Æfingakerfið

Metabolic er æfingakerfi kennt í formi hópþrektíma og skiptist í þrenn erfiðleikastig MB1, MB2 og MB3.

Í grunninn byggir æfingakerfið á fjórum meginþemum innan allra þriggja erfiðleikastiganna; Styrktarþjálfun, þolþjálfun, kraftþjálfun og fitubrennslu. Þannig sjáum við til þess að iðkendur æfi öll þau helstu orkukerfi sem þarf að æfa til að komast í gott alhliða form en flestir kannast við að vera sjálfir að æfa í tækjasal og æfa frekar einhæft. 

Hver grunntími á svo fjölda margar útfærslur af tíma þannig að fjölbreytnin er mjög mikil innan hvers erfiðleikastigs og iðkendur vinna sig svo upp um stig eftir getu og áhuga.

Í kerfinu eru engar tilviljanir, hvorki í æfingavali né uppröðun, allir tímar eru hannaðir af Helga Jónasi Guðfinnssyni út frá því að meðlimir nái hámarks árangri, með sem minnstri meiðslahættu og sem mestu skemmtanagildi. Þannig fer kerfið í fjögurra vikna ákefðarbylgjur, við sjáum til þess að þú keyrir þig alveg út en hvílist líka reglulega því líkaminn þarf á því að halda. 

 

Uppröðun tímans

Við byrjum alltaf Metablic á góðri upphitun. Fyrst liðkum við okkur með stöðugum teygjum, færum okkur svo í leiðréttingaræfingar með áherslu á að styrkja og liðka axlir og bak þar sem gjarnan myndast stífleiki og verkjavandamál. Því næst förum við í dýnamíska upphitun sem sýnt hefur verið fram á að lágmarki meiðslahættu og hámarki afköst.

Að upphitun lokinni tekur við stöðvaþjálfun í allri mögulegri fjölbreytni sem hún býður uppá. Almennt æfum við með 4-6 æfingar í 20 mínútur, ýmist með áherslu á styrk, kraft, úthald eða brennslu, eftir því hvert þema tímans er.

Í lok tímans er það sem við köllum finisher. Þá gefum við okkur nokkrar mínútur í að keyra púlsinn vel upp eða einblínum á djúpvöðvakerfið (core).

Í blálokin teygjum við og spjöllum.

 

 

 

 
 
 
 
 
 

Við skiptum Metabolic upp í þrjú erfiðleikastig. Iðkendur byrja á fyrsta stigi og vinna sig síðan upp ef þeir hafa hæfni og áhuga til.

 

1. stig

Okkar hefðbundnu Metabolictímar sem allir eru að tala um. Þú getur byrjað í þessum tímum eftir langa kyrrsetu og verið viss um að hér verði tekið vel á móti þér. Áherslan er á að hjálpa þér við að komast í gott alhliða form. Hver og einn ræður sinni ákefð. Ekki halda því að þetta séu of léttir tímar. Þú stýrir því alfarið. Áherslan í matarráðgjöf er á lífsstílsbreytingu. 

 

 

2. stig

Hér erum við farin að rífa meira í lóðin í tímum og láta til okkar taka. Þú getur byrjað strax hér ef þú ert í góðu þjálfunarformi og með enga stoðkerfisverki. Áherslan hér er meira á vöðvastækkun og vöðvaþol. Þessir tímar hafa verið kenndir við miklar vinsældir undir nafninu advanced. Ef þú ganga svoldið lengra í mataræðinu líka eigum við góð ráð fyrir þig þar.

 

 

3. stig

Nú erum við farin að vera ansi hrikaleg. Aðeins sannir víkingar geta sótt þessa tíma og þurfa þeir að vera nett brjálaðir til þess. Við erum að tala um enn meiri ákefð og enn tæknilegri æfingar. Við erum samt alltaf jafn einbeitt á öryggið í þjálfun. Ef þú ganga svoldið lengra í mataræðinu líka eigum við góð ráð fyrir þig þar.

 

 

 

Vefsíðugerð & vefhönnun: Smartmedia 2013